Aṅguttara Nikāya 10.13 2. Nāthavagga
id: an10.13 VRI: vol 40 สยามรัฐ: vol 24 14 segments
Aṅguttara Nikāya 10.13 2. Nāthavagga Saṁyojanasutta
“Dasayimāni, bhikkhave, saṁyojanāni. vri:40.15 · sya:24.19 Katamāni dasa? Pañcorambhāgiyāni saṁyojanāni, pañcuddhambhāgiyāni saṁyojanāni. Katamāni pañcorambhāgiyāni saṁyojanāni? Sakkāyadiṭṭhi, vicikicchā, sīlabbataparāmāso, kāmacchando, byāpādo— imāni pañcorambhāgiyāni saṁyojanāni.
Katamāni pañcuddhambhāgiyāni saṁyojanāni? Rūparāgo, arūparāgo, māno, uddhaccaṁ, avijjā— imāni pañcuddhambhāgiyāni saṁyojanāni. Imāni kho, bhikkhave, dasa saṁyojanānī”ti. Tatiyaṁ.