Aṅguttara Nikāya 10.155 16. Puggalavagga
id: an10.155 VRI: vol 40 สยามรัฐ: vol 24 11 segments
Aṅguttara Nikāya 10.155 16. Puggalavagga Sevitabbasutta
“Dasahi, bhikkhave, dhammehi samannāgato puggalo na sevitabbo. vri:40.215 · sya:24.266 Katamehi dasahi? Micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti, micchāñāṇī hoti, micchāvimutti hoti— imehi kho, bhikkhave, dasahi dhammehi samannāgato puggalo na sevitabbo.
Dasahi, bhikkhave, dhammehi samannāgato puggalo sevitabbo. Katamehi dasahi? Sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti, sammāñāṇī hoti, sammāvimutti hoti— imehi kho, bhikkhave, dasahi dhammehi samannāgato puggalo sevitabbo”ti.