Aṅguttara Nikāya 10.78 8. Ākaṅkhavagga
id: an10.78 17 segments
Aṅguttara Nikāya 10.78 8. Ākaṅkhavagga Nigaṇṭhasutta
“Dasahi, bhikkhave, asaddhammehi samannāgatā nigaṇṭhā. Katamehi dasahi? Assaddhā, bhikkhave, nigaṇṭhā; dussīlā, bhikkhave, nigaṇṭhā; ahirikā, bhikkhave, nigaṇṭhā; anottappino, bhikkhave, nigaṇṭhā; asappurisasambhattino, bhikkhave, nigaṇṭhā; attukkaṁsakaparavambhakā, bhikkhave, nigaṇṭhā; sandiṭṭhiparāmāsā ādhānaggāhī duppaṭinissaggino, bhikkhave, nigaṇṭhā; kuhakā, bhikkhave, nigaṇṭhā; pāpicchā, bhikkhave, nigaṇṭhā; pāpamittā, bhikkhave, nigaṇṭhā— imehi kho, bhikkhave, dasahi asaddhammehi samannāgatā nigaṇṭhā”ti. Aṭṭhamaṁ.