Aṅguttara Nikāya 2 6. Puggalavagga
id: an2.52 VRI: vol 35 7 segments
Aṅguttara Nikāya 2 6. Puggalavagga
52 “Dveme, bhikkhave, puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussānaṁ. vri:35.92 Katame dve? Tathāgato ca arahaṁ sammāsambuddho, rājā ca cakkavattī. Ime kho, bhikkhave, dve puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussānan”ti.