Aṅguttara Nikāya 3.108 11. Sambodhavagga
id: an3.108 10 segments
Aṅguttara Nikāya 3.108 11. Sambodhavagga Atittisutta
“Tiṇṇaṁ, bhikkhave, paṭisevanāya natthi titti. Katamesaṁ tiṇṇaṁ? Soppassa, bhikkhave, paṭisevanāya natthi titti. Surāmerayapānassa, bhikkhave, paṭisevanāya natthi titti. Methunadhammasamāpattiyā, bhikkhave, paṭisevanāya natthi titti. Imesaṁ, bhikkhave, tiṇṇaṁ paṭisevanāya natthi tittī”ti. Chaṭṭhaṁ.