Aṅguttara Nikāya 3.113 12. Āpāyikavagga
id: an3.113 VRI: vol 35 สยามรัฐ: vol 20 10 segments
Aṅguttara Nikāya 3.113 12. Āpāyikavagga Āpāyikasutta
“Tayome, bhikkhave, āpāyikā nerayikā idamappahāya. vri:35.300 · sya:20.342 Katame tayo? Yo ca abrahmacārī brahmacāripaṭiñño, yo ca suddhaṁ brahmacariyaṁ carantaṁ amūlakena abrahmacariyena anuddhaṁseti, yo cāyaṁ evaṁvādī evaṁdiṭṭhi: ‘natthi kāmesu doso’ti, so tāya kāmesu pātabyataṁ āpajjati. Ime kho, bhikkhave, tayo āpāyikā nerayikā idamappahāyā”ti. Paṭhamaṁ.