Aṅguttara Nikāya 3.4 1. Bālavagga
id: an3.4 VRI: vol 35 สยามรัฐ: vol 20 13 segments
Aṅguttara Nikāya 3.4 1. Bālavagga Accayasutta
“Tīhi, bhikkhave, dhammehi samannāgato bālo veditabbo. vri:35.126 · sya:20.130 Katamehi tīhi? Accayaṁ accayato na passati, accayaṁ accayato disvā yathādhammaṁ nappaṭikaroti, parassa kho pana accayaṁ desentassa yathādhammaṁ nappaṭiggaṇhāti. Imehi kho, bhikkhave, tīhi dhammehi samannāgato bālo veditabbo.
Tīhi, bhikkhave, dhammehi samannāgato paṇḍito veditabbo. Katamehi tīhi? Accayaṁ accayato passati, accayaṁ accayato disvā yathādhammaṁ paṭikaroti, parassa kho pana accayaṁ desentassa yathādhammaṁ paṭiggaṇhāti. Imehi kho, bhikkhave, tīhi dhammehi samannāgato paṇḍito veditabbo. Tasmātiha …pe…. Catutthaṁ.