Aṅguttara Nikāya 4.112 12. Kesivagga
id: an4.112 VRI: vol 36 สยามรัฐ: vol 21 12 segments
Aṅguttara Nikāya 4.112 12. Kesivagga Javasutta
“Catūhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṁ gacchati. sya:21.153 Katamehi catūhi? Ajjavena, javena, khantiyā, soraccena— imehi kho, bhikkhave, catūhi aṅgehi samannāgato rañño bhadro assājānīyo rājāraho hoti, rājabhoggo, rañño aṅganteva saṅkhaṁ gacchati.
Evamevaṁ kho, bhikkhave, catūhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassa. vri:36.131 Katamehi catūhi? Ajjavena, javena, khantiyā, soraccena— imehi kho, bhikkhave, catūhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti. Dutiyaṁ.