Aṅguttara Nikāya 4.132 14. Puggalavagga
id: an4.132 11 segments
Aṅguttara Nikāya 4.132 14. Puggalavagga Paṭibhānasutta
“Cattārome, bhikkhave, puggalā santo saṁvijjamānā lokasmiṁ. Katame cattāro? Yuttappaṭibhāno, no muttappaṭibhāno; muttappaṭibhāno, no yuttappaṭibhāno; yuttappaṭibhāno ca muttappaṭibhāno ca; neva yuttappaṭibhāno na muttappaṭibhāno— ime kho, bhikkhave, cattāro puggalā santo saṁvijjamānā lokasmin”ti. Dutiyaṁ.