Aṅguttara Nikāya 4.134 14. Puggalavagga
id: an4.134 11 segments
Aṅguttara Nikāya 4.134 14. Puggalavagga Uṭṭhānaphalasutta
“Cattārome, bhikkhave, puggalā santo saṁvijjamānā lokasmiṁ. Katame cattāro? Uṭṭhānaphalūpajīvī na kammaphalūpajīvī, kammaphalūpajīvī na uṭṭhānaphalūpajīvī, uṭṭhānaphalūpajīvī ceva kammaphalūpajīvī ca, neva uṭṭhānaphalūpajīvī na kammaphalūpajīvī— Ime kho, bhikkhave, cattāro puggalā santo saṁvijjamānā lokasmin”ti. Catutthaṁ.