Aṅguttara Nikāya 4.18 2. Caravagga
id: an4.18 12 segments
Aṅguttara Nikāya 4.18 2. Caravagga Dutiyaagatisutta
“Cattārimāni, bhikkhave, nāgatigamanāni. Katamāni cattāri? Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati— Imāni kho, bhikkhave, cattāri nāgatigamanānīti.
Chandā dosā bhayā mohā, yo dhammaṁ nātivattati; Āpūrati tassa yaso, sukkapakkheva candimā”ti. Aṭṭhamaṁ.