Aṅguttara Nikāya 4.71 8. Apaṇṇakavagga
id: an4.71 VRI: vol 36 8 segments
Aṅguttara Nikāya 4.71 8. Apaṇṇakavagga Padhānasutta
“Catūhi, bhikkhave, dhammehi samannāgato bhikkhu apaṇṇakappaṭipadaṁ paṭipanno hoti, yoni cassa āraddhā hoti āsavānaṁ khayāya. vri:36.89 Katamehi catūhi? Idha, bhikkhave, bhikkhu sīlavā hoti, bahussuto hoti, āraddhavīriyo hoti, paññavā hoti. Imehi kho, bhikkhave, catūhi dhammehi samannāgato bhikkhu apaṇṇakappaṭipadaṁ paṭipanno hoti, yoni cassa āraddhā hoti āsavānaṁ khayāyā”ti. Paṭhamaṁ.