Aṅguttara Nikāya 4.98 10. Asuravagga
id: an4.98 11 segments
Aṅguttara Nikāya 4.98 10. Asuravagga Attahitasutta
“Cattārome, bhikkhave, puggalā santo saṁvijjamānā lokasmiṁ. Katame cattāro? Attahitāya paṭipanno no parahitāya, parahitāya paṭipanno no attahitāya, nevattahitāya paṭipanno no parahitāya, attahitāya ceva paṭipanno parahitāya ca. Ime kho, bhikkhave, cattāro puggalā santo saṁvijjamānā lokasmin”ti. Aṭṭhamaṁ.