Aṅguttara Nikāya 5.198 20. Brāhmaṇavagga
id: an5.198 VRI: vol 37 8 segments
Aṅguttara Nikāya 5.198 20. Brāhmaṇavagga Vācāsutta
“Pañcahi, bhikkhave, aṅgehi samannāgatā vācā subhāsitā hoti, no dubbhāsitā, anavajjā ca ananuvajjā ca viññūnaṁ. vri:37.224 Katamehi pañcahi? Kālena ca bhāsitā hoti, saccā ca bhāsitā hoti, saṇhā ca bhāsitā hoti, atthasaṁhitā ca bhāsitā hoti, mettacittena ca bhāsitā hoti. Imehi kho, bhikkhave, pañcahi aṅgehi samannāgatā vācā subhāsitā hoti, no dubbhāsitā, anavajjā ca ananuvajjā ca viññūnan”ti. Aṭṭhamaṁ.