Aṅguttara Nikāya 5.229 23. Dīghacārikavagga
id: an5.229 12 segments
Aṅguttara Nikāya 5.229 23. Dīghacārikavagga Paṭhamakaṇhasappasutta
“Pañcime, bhikkhave, ādīnavā kaṇhasappe. Katame pañca? Asuci, duggandho, sabhīru, sappaṭibhayo, mittadubbhī. Ime kho, bhikkhave, pañca ādīnavā kaṇhasappe.
Evamevaṁ kho, bhikkhave, pañcime ādīnavā mātugāme. Katame pañca? Asuci, duggandho, sabhīru, sappaṭibhayo, mittadubbhī. Ime kho, bhikkhave, pañca ādīnavā mātugāme”ti. Navamaṁ.