Aṅguttara Nikāya 5.251 26. Upasampadāvagga
id: an5.251 VRI: vol 37 12 segments
Aṅguttara Nikāya 5.251 26. Upasampadāvagga Upasampādetabbasutta
“Pañcahi, bhikkhave, dhammehi samannāgatena bhikkhunā upasampādetabbaṁ. vri:37.253 Katamehi pañcahi? Idha, bhikkhave, bhikkhu asekhena sīlakkhandhena samannāgato hoti; asekhena samādhikkhandhena samannāgato hoti; asekhena paññākkhandhena samannāgato hoti; asekhena vimuttikkhandhena samannāgato hoti; asekhena vimuttiñāṇadassanakkhandhena samannāgato hoti. Imehi kho, bhikkhave, pañcahi dhammehi samannāgatena bhikkhunā upasampādetabban”ti. Paṭhamaṁ.