Aṅguttara Nikāya 6.117 12. Sāmaññavagga
id: an6.117 VRI: vol 38 12 segments
Aṅguttara Nikāya 6.117 12. Sāmaññavagga Kāyānupassīsutta
“Cha, bhikkhave, dhamme appahāya abhabbo kāye kāyānupassī viharituṁ. vri:38.149 Katame cha? Kammārāmataṁ, bhassārāmataṁ, niddārāmataṁ, saṅgaṇikārāmataṁ, indriyesu aguttadvārataṁ, bhojane amattaññutaṁ. Ime kho, bhikkhave, cha dhamme appahāya abhabbo kāye kāyānupassī viharituṁ.
Cha, bhikkhave, dhamme pahāya bhabbo kāye kāyānupassī viharituṁ. Katame cha? Kammārāmataṁ, bhassārāmataṁ, niddārāmataṁ, saṅgaṇikārāmataṁ, indriyesu aguttadvārataṁ, bhojane amattaññutaṁ. Ime kho, bhikkhave, cha dhamme pahāya bhabbo kāye kāyānupassī viharitun”ti. Paṭhamaṁ.