Aṅguttara Nikāya 6.66 7. Devatāvagga
id: an6.66 12 segments
Aṅguttara Nikāya 6.66 7. Devatāvagga Arahattasutta
“Cha, bhikkhave, dhamme appahāya abhabbo arahattaṁ sacchikātuṁ. Katame cha? Thinaṁ, middhaṁ, uddhaccaṁ, kukkuccaṁ, assaddhiyaṁ, pamādaṁ— ime kho, bhikkhave, cha dhamme appahāya abhabbo arahattaṁ sacchikātuṁ.
Cha, bhikkhave, dhamme pahāya bhabbo arahattaṁ sacchikātuṁ. Katame cha? Thinaṁ, middhaṁ, uddhaccaṁ, kukkuccaṁ, assaddhiyaṁ, pamādaṁ— ime kho, bhikkhave, cha dhamme pahāya bhabbo arahattaṁ sacchikātun”ti. Dutiyaṁ.