Aṅguttara Nikāya 6.76 8. Arahattavagga
id: an6.76 VRI: vol 38 12 segments
Aṅguttara Nikāya 6.76 8. Arahattavagga Arahattasutta
“Cha, bhikkhave, dhamme appahāya abhabbo arahattaṁ sacchikātuṁ. Katame cha? Mānaṁ, omānaṁ, atimānaṁ, adhimānaṁ, thambhaṁ, atinipātaṁ. Ime kho, bhikkhave, cha dhamme appahāya abhabbo arahattaṁ sacchikātuṁ.
Cha, bhikkhave, dhamme pahāya bhabbo arahattaṁ sacchikātuṁ. vri:38.132 Katame cha? Mānaṁ, omānaṁ, atimānaṁ, adhimānaṁ, thambhaṁ, atinipātaṁ. Ime kho, bhikkhave, cha dhamme pahāya bhabbo arahattaṁ sacchikātun”ti. Dutiyaṁ.