Aṅguttara Nikāya 6.97 10. Ānisaṁsavagga
id: an6.97 8 segments
Aṅguttara Nikāya 6.97 10. Ānisaṁsavagga Ānisaṁsasutta
“Chayime, bhikkhave, ānisaṁsā sotāpattiphalasacchikiriyāya. Katame cha? Saddhammaniyato hoti, aparihānadhammo hoti, pariyantakatassa dukkhaṁ hoti, asādhāraṇena ñāṇena samannāgato hoti, hetu cassa sudiṭṭho, hetusamuppannā ca dhammā. Ime kho, bhikkhave, cha ānisaṁsā sotāpattiphalasacchikiriyāyā”ti. Dutiyaṁ.