Aṅguttara Nikāya 7.85 9. Samaṇavagga
id: an7.85 VRI: vol 38 8 segments
Aṅguttara Nikāya 7.85 9. Samaṇavagga Bhikkhusutta
“Sattannaṁ, bhikkhave, dhammānaṁ bhinnattā bhikkhu hoti. vri:38.272 Katamesaṁ sattannaṁ? Sakkāyadiṭṭhi bhinnā hoti, vicikicchā bhinnā hoti, sīlabbataparāmāso bhinno hoti, rāgo bhinno hoti, doso bhinno hoti, moho bhinno hoti, māno bhinno hoti. Imesaṁ kho, bhikkhave, sattannaṁ dhammānaṁ bhinnattā bhikkhu hotī”ti. Paṭhamaṁ.