Aṅguttara Nikāya 8.31 4. Dānavagga

id: an8.31 VRI: vol 39 15 segments

Aṅguttara Nikāya 8.31 4. Dānavagga Paṭhamadānasutta

“Aṭṭhimāni, bhikkhave, dānāni. vri:39.69 Katamāni aṭṭha? Āsajja dānaṁ deti, bhayā dānaṁ deti, ‘adāsi me’ti dānaṁ deti, ‘dassati me’ti dānaṁ deti, ‘sāhu dānan’ti dānaṁ deti, ‘ahaṁ pacāmi, ime na pacanti; nārahāmi pacanto apacantānaṁ dānaṁ adātun’ti dānaṁ deti, ‘imaṁ me dānaṁ dadato kalyāṇo kittisaddo abbhuggacchatī’ti dānaṁ deti, cittālaṅkāracittaparikkhāratthaṁ dānaṁ deti. Imāni kho, bhikkhave, aṭṭha dānānī”ti. Paṭhamaṁ.