Aṅguttara Nikāya 8.85 9. Sativagga

id: an8.85 VRI: vol 39 24 segments

Aṅguttara Nikāya 8.85 9. Sativagga Samaṇasutta

“‘Samaṇo’ti, bhikkhave, tathāgatassetaṁ adhivacanaṁ arahato sammāsambuddhassa. vri:39.160 ‘Brāhmaṇo’ti, bhikkhave, tathāgatassetaṁ adhivacanaṁ arahato sammāsambuddhassa. ‘Vedagū’ti, bhikkhave, tathāgatassetaṁ adhivacanaṁ arahato sammāsambuddhassa. ‘Bhisakko’ti, bhikkhave, tathāgatassetaṁ adhivacanaṁ arahato sammāsambuddhassa. ‘Nimmalo’ti, bhikkhave, tathāgatassetaṁ adhivacanaṁ arahato sammāsambuddhassa. ‘Vimalo’ti, bhikkhave, tathāgatassetaṁ adhivacanaṁ arahato sammāsambuddhassa. ‘Ñāṇī’ti, bhikkhave, tathāgatassetaṁ adhivacanaṁ arahato sammāsambuddhassa. ‘Vimutto’ti, bhikkhave, tathāgatassetaṁ adhivacanaṁ arahato sammāsambuddhassāti.

Yaṁ samaṇena pattabbaṁ, brāhmaṇena vusīmatā; Yaṁ vedagunā pattabbaṁ, bhisakkena anuttaraṁ.

Yaṁ nimmalena pattabbaṁ, vimalena sucīmatā; Yaṁ ñāṇinā ca pattabbaṁ, vimuttena anuttaraṁ.

Sohaṁ vijitasaṅgāmo, mutto mocemi bandhanā; Nāgomhi paramadanto, asekho parinibbuto”ti. Pañcamaṁ.