Aṅguttara Nikāya 9.10 1. Sambodhivagga
id: an9.10 VRI: vol 39 14 segments
Aṅguttara Nikāya 9.10 1. Sambodhivagga Āhuneyyasutta
“Navayime, bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṁ puññakkhettaṁ lokassa. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno, sotāpanno, sotāpattiphalasacchikiriyāya paṭipanno, gotrabhū— ime kho, bhikkhave, nava puggalā āhuneyyā …pe… anuttaraṁ puññakkhettaṁ lokassā”ti. Dasamaṁ. Sambodhivaggo paṭhamo.
Tassuddānaṁ Sambodhi nissayo ceva, vri:39.189 Meghiya nandakaṁ balaṁ; Sevanā sutavā sajjho, Puggalo āhuneyyena cāti.