Kathāvatthu Mahāpaṇṇāsaka
id: kv10.10 VRI: vol 116 สยามรัฐ: vol 37 29 segments
Kathāvatthu Mahāpaṇṇāsaka Dasamavagga Viññattisīlantikathā
Viññatti sīlanti? sya:37.471 Āmantā. Pāṇātipātā veramaṇīti? Na hevaṁ vattabbe …pe… adinnādānā veramaṇīti? Na hevaṁ vattabbe …pe… kāmesumicchācārā veramaṇīti? Na hevaṁ vattabbe …pe… musāvādā veramaṇīti? Na hevaṁ vattabbe …pe… surāmerayamajjapamādaṭṭhānā veramaṇīti? Na hevaṁ vattabbe …pe….
Abhivādanaṁ sīlaṁ, paccuṭṭhānaṁ sīlaṁ, añjalikammaṁ sīlaṁ, sāmīcikammaṁ sīlaṁ, āsanābhihāro sīlaṁ, seyyābhihāro sīlaṁ, pādodakābhihāro sīlaṁ, pādakathalikābhihāro sīlaṁ, nhāne piṭṭhiparikammaṁ sīlanti? vri:116.358 Āmantā. Pāṇātipātā veramaṇīti? Na hevaṁ vattabbe …pe… surāmerayamajjapamādaṭṭhānā veramaṇīti? Na hevaṁ vattabbe …pe….
Na vattabbaṁ— “viññatti sīlan”ti? Āmantā. Dussilyanti? Na hevaṁ vattabbe …pe… tena hi viññatti sīlanti. Viññatti sīlantikathā niṭṭhitā.