Kathāvatthu Mahāpaṇṇāsaka

id: kv11.7 VRI: vol 116 สยามรัฐ: vol 37 32 segments

Kathāvatthu Mahāpaṇṇāsaka Ekādasamavagga Dhammaṭṭhitatākathā

Dhammaṭṭhitatā parinipphannāti? vri:116.371 Āmantā. Tāya ṭhitatā parinipphannāti? Na hevaṁ vattabbe …pe… tāya ṭhitatā parinipphannāti? Āmantā. Tāya tāyeva natthi dukkhassantakiriyā, natthi vaṭṭupacchedo, natthi anupādāparinibbānanti? Na hevaṁ vattabbe …pe….

Rūpassa ṭhitatā parinipphannāti? Āmantā. Tāya ṭhitatā parinipphannāti? Na hevaṁ vattabbe …pe… tāya ṭhitatā parinipphannāti? Āmantā. Tāya tāyeva natthi dukkhassantakiriyā, natthi vaṭṭupacchedo, natthi anupādāparinibbānanti? Na hevaṁ vattabbe …pe….

Vedanāya ṭhitatā …pe… sya:37.490 saññāya ṭhitatā …pe… saṅkhārānaṁ ṭhitatā …pe… viññāṇassa ṭhitatā parinipphannāti? Āmantā. Tāya ṭhitatā parinipphannāti? Na hevaṁ vattabbe …pe… tāya ṭhitatā parinipphannāti? Āmantā. Tāya tāyeva natthi dukkhassantakiriyā, natthi vaṭṭupacchedo, natthi anupādāparinibbānanti? Na hevaṁ vattabbe …pe…. Dhammaṭṭhitatākathā niṭṭhitā.