Kathāvatthu Khuddakaaḍḍhapaṇṇāsaka
id: kv23.1 VRI: vol 116 สยามรัฐ: vol 37 25 segments
Kathāvatthu Khuddakaaḍḍhapaṇṇāsaka Tevīsatimavagga Ekādhippāyakathā
Ekādhippāyena methuno dhammo paṭisevitabboti? vri:116.502 · sya:37.656 Āmantā. Ekādhippāyena assamaṇena hotabbaṁ, abhikkhunā hotabbaṁ, chinnamūlena hotabbaṁ pārājikena hotabbanti? Na hevaṁ vattabbe …pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṁ ādiyitabbaṁ, musā bhaṇitabbā, pisuṇaṁ bhaṇitabbaṁ, pharusaṁ bhaṇitabbaṁ, samphaṁ palapitabbaṁ, sandhi cheditabbo, nillopaṁ hātabbaṁ, ekāgārikaṁ kātabbaṁ, paripanthe ṭhātabbaṁ, paradāro gantabbo, gāmaghātako kātabbo, nigamaghātako kātabboti? Na hevaṁ vattabbe …pe…. Ekādhippāyakathā niṭṭhitā.