← patthana

Paṭṭhānapakaraṇa Dhammānulomapaccanīya (3), Dukatikapaṭṭhānapāḷi (3)

id: patthana15.59 VRI: vol 124 สยามรัฐ: vol 45 5 segments
Paṭṭhānapakaraṇa Dhammānulomapaccanīya (3), Dukatikapaṭṭhānapāḷi (3) 15.59. Sappītikaduka, Kusalattika
Sappītikaṁ kusalaṁ dhammaṁ paṭicca nasappītiko nakusalo dhammo uppajjati hetupaccayā. Appītikaṁ kusalaṁ dhammaṁ paṭicca nasappītiko nakusalo dhammo uppajjati hetupaccayā. Sappītikaṁ kusalañca appītikaṁ kusalañca dhammaṁ paṭicca nasappītiko nakusalo dhammo uppajjati hetupaccayā. Hetuyā tīṇi …pe… avigate tīṇi.
Sappītikaṁ akusalaṁ dhammaṁ paṭicca nasappītiko naakusalo dhammo uppajjati hetupaccayā. Appītikaṁ akusalaṁ dhammaṁ paṭicca nasappītiko naakusalo dhammo uppajjati hetupaccayā. Sappītikaṁ akusalañca appītikaṁ akusalañca dhammaṁ paṭicca nasappītiko akusalo dhammo uppajjati hetupaccayā. Hetuyā tīṇi …pe… avigate tīṇi. (Abyākatamūlaṁ tīṇiyeva paccayavasena.)