Paṭṭhānapakaraṇa Dhammānulomapaccanīya (3), Tikadukapaṭṭhānapāḷi (4)
id: patthana16.15 VRI: vol 124 สยามรัฐ: vol 45 9 segments
Paṭṭhānapakaraṇa Dhammānulomapaccanīya (3), Tikadukapaṭṭhānapāḷi (4) 16.15. Kusalattika, Sārammaṇaduka
Kusalaṁ sārammaṇaṁ dhammaṁ paṭicca nakusalo nasārammaṇo dhammo uppajjati hetupaccayā. Kusalaṁ sārammaṇaṁ dhammaṁ paṭicca naakusalo nasārammaṇo dhammo uppajjati hetupaccayā. Kusalaṁ sārammaṇaṁ dhammaṁ paṭicca nakusalo nasārammaṇo ca naakusalo nasārammaṇo ca dhammā uppajjanti hetupaccayā … tīṇi.
Akusalaṁ sārammaṇaṁ dhammaṁ paṭicca naakusalo nasārammaṇo dhammo uppajjati hetupaccayā. Akusalaṁ sārammaṇaṁ dhammaṁ paṭicca nakusalo nasārammaṇo dhammo uppajjati hetupaccayā. Akusalaṁ sārammaṇaṁ dhammaṁ paṭicca nakusalo nasārammaṇo ca naakusalo nasārammaṇo ca dhammā uppajjanti hetupaccayā … tīṇi.
Abyākataṁ sārammaṇaṁ dhammaṁ paṭicca nakusalo nasārammaṇo dhammo uppajjati hetupaccayā … tīṇi. (Saṅkhittaṁ.)
Hetuyā nava, adhipatiyā nava …pe… aññamaññe tīṇi …pe… vipāke tīṇi …pe… avigate nava.
Abyākataṁ anārammaṇaṁ dhammaṁ paṭicca nakusalo naanārammaṇo dhammo uppajjati hetupaccayā. Abyākataṁ anārammaṇaṁ dhammaṁ paṭicca naakusalo naanārammaṇo dhammo uppajjati hetupaccayā. Abyākataṁ anārammaṇaṁ dhammaṁ paṭicca nakusalo naanārammaṇo ca naakusalo naanārammaṇo ca dhammā uppajjanti hetupaccayā. (Saṅkhittaṁ.) vri:124.293 · sya:45.239
Hetuyā tīṇi …pe… avigate tīṇi.