Paṭṭhānapakaraṇa Dhammānulomapaccanīya (3), Tikadukapaṭṭhānapāḷi (4)

id: patthana16.46 สยามรัฐ: vol 45 5 segments

Paṭṭhānapakaraṇa Dhammānulomapaccanīya (3), Tikadukapaṭṭhānapāḷi (4) 16.46. Sanidassanattika, Hetuduka

Anidassanaappaṭighaṁ hetuṁ dhammaṁ paṭicca naanidassanaappaṭigho nahetu dhammo uppajjati hetupaccayā. Anidassanaappaṭighaṁ hetuṁ dhammaṁ paṭicca nasanidassanasappaṭigho nahetu dhammo uppajjati hetupaccayā …pe… anidassanaappaṭighaṁ hetuṁ dhammaṁ paṭicca nasanidassanasappaṭigho nahetu ca naanidassanasappaṭigho nahetu ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. sya:45.266

Anidassanaappaṭighaṁ nahetuṁ dhammaṁ paṭicca nasanidassanasappaṭigho nanahetu dhammo uppajjati hetupaccayā. Anidassanaappaṭighaṁ nahetuṁ dhammaṁ paṭicca naanidassanasappaṭigho nanahetu dhammo uppajjati hetupaccayā. Anidassanaappaṭighaṁ nahetuṁ dhammaṁ paṭicca nasanidassanasappaṭigho nanahetu ca naanidassanasappaṭigho nanahetu ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.