Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5)

id: patthana17.18 VRI: vol 124 6 segments

Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5) 17.18. Kusalattika, Atītārammaṇattika

Kusalaṁ atītārammaṇaṁ dhammaṁ paṭicca nakusalo naatītārammaṇo dhammo uppajjati hetupaccayā. (Saṅkhittaṁ.) Hetuyā nava, adhipatiyā nava …pe… aññamaññe tīṇi …pe… vipāke tīṇi …pe… avigate nava.

Kusalaṁ anāgatārammaṇaṁ dhammaṁ paṭicca nakusalo naanāgatārammaṇo dhammo uppajjati hetupaccayā. (Saṅkhittaṁ.) Hetuyā nava, adhipatiyā nava …pe… avigate nava. vri:124.339

Kusalaṁ paccuppannārammaṇaṁ dhammaṁ paṭicca nakusalo napaccuppannārammaṇo dhammo uppajjati hetupaccayā. (Saṅkhittaṁ.) Hetuyā nava, adhipatiyā nava …pe… aññamaññe tīṇi …pe… vipāke tīṇi …pe… avigate nava.