Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5)

id: patthana17.30 VRI: vol 124 6 segments

Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5) 17.30. Sanidassanattika, Upādinnattika

Anidassanaappaṭighaṁ upādinnupādāniyaṁ dhammaṁ paṭicca naanidassanaappaṭigho naupādinnupādāniyo dhammo uppajjati hetupaccayā. (Saṅkhittaṁ.) Hetuyā cha, sahajāte cha …pe… avigate cha.

Sanidassanasappaṭigho anupādinnupādāniyo dhammo nasanidassanasappaṭighassa naanupādinnupādāniyassa dhammassa ārammaṇapaccayena paccayo. (Saṅkhittaṁ.) Ārammaṇe nava, anantare tīṇi …pe… upanissaye purejāte nava …pe… avigate nava. vri:124.346

Anidassanaappaṭighaṁ anupādinnaanupādāniyaṁ dhammaṁ paṭicca naanidassanaappaṭigho naanupādinnaanupādāniyo dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.