← patthana

Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5)

id: patthana17.33 VRI: vol 124 สยามรัฐ: vol 45 5 segments
Paṭṭhānapakaraṇa Dhammānulomapaccanīya (3), Tikatikapaṭṭhānapāḷi (5) 17.33. Sanidassanattika, Ajjhattārammaṇattika
Anidassanaappaṭighaṁ ajjhattārammaṇaṁ dhammaṁ paṭicca naanidassanaappaṭigho naajjhattārammaṇo dhammo uppajjati hetupaccayā …. Hetuyā cha, adhipatiyā cha …pe… aññamaññe tīṇi …pe… avigate cha.
Anidassanaappaṭighaṁ bahiddhārammaṇaṁ dhammaṁ paṭicca naanidassanaappaṭigho nabahiddhārammaṇo dhammo uppajjati hetupaccayā. Anidassanaappaṭighaṁ bahiddhārammaṇaṁ dhammaṁ paṭicca nasanidassanasappaṭigho nabahiddhārammaṇo dhammo uppajjati hetupaccayā. Anidassanaappaṭighaṁ bahiddhārammaṇaṁ dhammaṁ paṭicca naanidassanasappaṭigho nabahiddhārammaṇo dhammo uppajjati hetupaccayā …pe… anidassanaappaṭighaṁ bahiddhārammaṇaṁ dhammaṁ paṭicca nasanidassanasappaṭigho nabahiddhārammaṇo ca naanidassanasappaṭigho nabahiddhārammaṇo ca dhammā uppajjanti hetupaccayā. (Saṅkhittaṁ.) Hetuyā cha, adhipatiyā cha …pe… aññamaññe tīṇi …pe… avigate cha. (Pañhāvāraṁ vitthāretabbaṁ.)