Paṭṭhānapakaraṇa Dhammapaccanīyānuloma (4), Dukatikapaṭṭhānapāḷi (3)

id: patthana21.3 VRI: vol 124 สยามรัฐ: vol 45 6 segments

Paṭṭhānapakaraṇa Dhammapaccanīyānuloma (4), Dukatikapaṭṭhānapāḷi (3) 21.3. Hetuhetusampayuttaduka, Kusalattika

Nahetu ceva nahetuvippayutto ca nakusalo dhammo hetussa ceva hetusampayuttassa ca kusalassa dhammassa ārammaṇapaccayena paccayo. (Saṅkhittaṁ. Nava pañhā kātabbā.) Ārammaṇe adhipatiyā upanissaye nava. vri:124.396

Nahetu ceva nahetuvippayutto ca naakusalo dhammo hetussa ceva hetusampayuttassa ca akusalassa dhammassa ārammaṇapaccayena paccayo. (Saṅkhittaṁ. Nava pañhā kātabbā.) Ārammaṇe adhipatiyā upanissaye nava.

Nahetu ceva nahetuvippayutto ca naabyākato dhammo hetussa ceva hetusampayuttassa ca abyākatassa dhammassa ārammaṇapaccayena paccayo … tīṇi. (Saṅkhittaṁ. Nava pañhā kātabbā.) Ārammaṇe adhipatiyā anantare samanantare upanissaye nava, kamme tīṇi, natthiyā vigate nava. sya:45.388