Paṭṭhānapakaraṇa Dhammapaccanīyānuloma (4), Tikatikapaṭṭhānapāḷi (5)

id: patthana23.53 สยามรัฐ: vol 45 6 segments

Paṭṭhānapakaraṇa Dhammapaccanīyānuloma (4), Tikatikapaṭṭhānapāḷi (5) 23.53. Sanidassanattika, Micchattaniyatattika

Nasanidassanasappaṭighaṁ namicchattaniyataṁ dhammaṁ paccayā anidassanaappaṭigho micchattaniyato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. sya:45.506

Nasanidassanasappaṭighaṁ nasammattaniyataṁ dhammaṁ paccayā anidassanaappaṭigho sammattaniyato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.

Nasanidassanasappaṭighaṁ naaniyataṁ dhammaṁ paṭicca sanidassanasappaṭigho aniyato dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa.