Paṭṭhānapakaraṇa Dhammapaccanīya (2), Dukapaṭṭhānapāḷi (2)
id: patthana8.4 VRI: vol 124 8 segments
Paṭṭhānapakaraṇa Dhammapaccanīya (2), Dukapaṭṭhānapāḷi (2) 8.4. Hetusahetukaduka
Nahetuñceva naahetukañca dhammaṁ paṭicca nahetu ceva naahetuko ca dhammo uppajjati hetupaccayā. Nahetuñceva naahetukañca dhammaṁ paṭicca naahetuko ceva na nahetu ca dhammo uppajjati hetupaccayā. Nahetuñceva naahetukañca dhammaṁ paṭicca nahetu ceva naahetuko ca naahetuko ceva na nahetu ca dhammā uppajjanti hetupaccayā. vri:124.92
Naahetukañceva na nahetuñca dhammaṁ paṭicca naahetuko ceva na nahetu ca dhammo uppajjati hetupaccayā. Naahetukañceva na nahetuñca dhammaṁ paṭicca nahetu ceva naahetuko ca dhammo uppajjati hetupaccayā. Naahetukañceva na nahetuñca dhammaṁ paṭicca nahetu ceva naahetuko ca naahetuko ceva na nahetu ca dhammā uppajjanti hetupaccayā.
Nahetuñceva naahetukañca naahetukañceva na nahetuñca dhammaṁ paṭicca nahetu ceva naahetuko ca dhammo uppajjati hetupaccayā … tīṇi. (Saṅkhittaṁ.)
Hetuyā nava, ārammaṇe nava …pe… avigate nava.
(Sahajātavārepi …pe… pañhāvārepi sabbattha vitthāro.)