Parivāra Bhikkhuvibhaṅga
id: pli-tv-pvr1.12 VRI: vol 91 สยามรัฐ: vol 8 11 segments
Parivāra Bhikkhuvibhaṅga Dutiyabhāga 1.12 Saṅgahitavāra
Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ katihi āpattikkhandhehi saṅgahitā? vri:91.102 · sya:8.132 Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ catūhi āpattikkhandhehi saṅgahitā— siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena …pe….
Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ katihi āpattikkhandhehi saṅgahitā? Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ ekena āpattikkhandhena saṅgahitā— dukkaṭāpattikkhandhena.
Saṅgahitavāro niṭṭhito catuttho.