Puggalapaññatti Niddesa
id: pp2.10 VRI: vol 115 สยามรัฐ: vol 36 12 segments
Puggalapaññatti Niddesa 10. Dasakapuggalapaññatti
Katamesaṁ pañcannaṁ idha niṭṭhā? vri:115.187 Sattakkhattuparamassa, kolaṅkolassa, ekabījissa, sakadāgāmissa, yo ca diṭṭheva dhamme arahā— imesaṁ pañcannaṁ idha niṭṭhā. –5
Katamesaṁ pañcannaṁ idha vihāya niṭṭhā? sya:36.236 Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṁsotassa akaniṭṭhagāmino— imesaṁ pañcannaṁ idha vihāya niṭṭhāti. –10
Ettāvatā puggalānaṁ puggalapaññattīti.
Dasakaniddeso.
Puggalapaññattipakaraṇaṁ niṭṭhitaṁ.