Saṁyutta Nikāya 1.23 3. Sattivagga

id: sn1.23 VRI: vol 23 สยามรัฐ: vol 15 19 segments

Saṁyutta Nikāya 1.23 3. Sattivagga Jaṭāsutta

“Antojaṭā bahijaṭā, sya:15.20 Jaṭāya jaṭitā pajā; Taṁ taṁ gotama pucchāmi, Ko imaṁ vijaṭaye jaṭan”ti.

“Sīle patiṭṭhāya naro sapañño, vri:23.16 Cittaṁ paññañca bhāvayaṁ; Ātāpī nipako bhikkhu, So imaṁ vijaṭaye jaṭaṁ.

Yesaṁ rāgo ca doso ca, avijjā ca virājitā; Khīṇāsavā arahanto, tesaṁ vijaṭitā jaṭā.

Yattha nāmañca rūpañca, asesaṁ uparujjhati; Paṭighaṁ rūpasaññā ca, etthesā chijjate jaṭā”ti.