Saṁyutta Nikāya 1.28 3. Sattivagga

id: sn1.28 สยามรัฐ: vol 15 17 segments

Saṁyutta Nikāya 1.28 3. Sattivagga Mahaddhanasutta

“Mahaddhanā mahābhogā, raṭṭhavantopi khattiyā; Aññamaññābhigijjhanti, kāmesu analaṅkatā.

Tesu ussukkajātesu, bhavasotānusārisu; Kedha taṇhaṁ pajahiṁsu, ke lokasmiṁ anussukā”ti.

“Hitvā agāraṁ pabbajitā, sya:15.23 hitvā puttaṁ pasuṁ piyaṁ; Hitvā rāgañca dosañca, avijjañca virājiya; Khīṇāsavā arahanto, te lokasmiṁ anussukā”ti.