Saṁyutta Nikāya 1.5 1. Naḷavagga
id: sn1.5 VRI: vol 23 13 segments
Saṁyutta Nikāya 1.5 1. Naḷavagga Katichindasutta
Sāvatthinidānaṁ. vri:23.4 Ekamantaṁ ṭhitā kho sā devatā bhagavato santike imaṁ gāthaṁ abhāsi:
“Kati chinde kati jahe, kati cuttari bhāvaye; Kati saṅgātigo bhikkhu, oghatiṇṇoti vuccatī”ti.
“Pañca chinde pañca jahe, pañca cuttari bhāvaye; Pañca saṅgātigo bhikkhu, oghatiṇṇoti vuccatī”ti.