Saṁyutta Nikāya 1.71 8. Chetvāvagga

id: sn1.71 สยามรัฐ: vol 15 15 segments

Saṁyutta Nikāya 1.71 8. Chetvāvagga Chetvāsutta

Sāvatthinidānaṁ. sya:15.57 Ekamantaṁ ṭhitā kho sā devatā bhagavantaṁ gāthāya ajjhabhāsi:

“Kiṁsu chetvā sukhaṁ seti, kiṁsu chetvā na socati; Kissassu ekadhammassa, vadhaṁ rocesi gotamā”ti.

“Kodhaṁ chetvā sukhaṁ seti, kodhaṁ chetvā na socati; Kodhassa visamūlassa, madhuraggassa devate; Vadhaṁ ariyā pasaṁsanti, tañhi chetvā na socatī”ti.