Saṁyutta Nikāya 1.80 8. Chetvāvagga
id: sn1.80 19 segments
Saṁyutta Nikāya 1.80 8. Chetvāvagga Pajjotasutta
“Kiṁsu lokasmi pajjoto, kiṁsu lokasmi jāgaro; Kiṁsu kamme sajīvānaṁ, kimassa iriyāpatho.
Kiṁsu alasaṁ analasañca, Mātā puttaṁva posati; Kiṁ bhūtā upajīvanti, Ye pāṇā pathavissitā”ti.
“Paññā lokasmi pajjoto, sati lokasmi jāgaro; Gāvo kamme sajīvānaṁ, sītassa iriyāpatho.
Vuṭṭhi alasaṁ analasañca, Mātā puttaṁva posati; Vuṭṭhiṁ bhūtā upajīvanti, Ye pāṇā pathavissitā”ti.