Saṁyutta Nikāya 10.11 1. Indakavagga
id: sn10.11 สยามรัฐ: vol 15 11 segments
Saṁyutta Nikāya 10.11 1. Indakavagga Cīrāsutta
Evaṁ me sutaṁ— sya:15.314 ekaṁ samayaṁ bhagavā rājagahe viharati veḷuvane kalandakanivāpe. Tena kho pana samayena aññataro upāsako cīrāya bhikkhuniyā cīvaraṁ adāsi. Atha kho cīrāya bhikkhuniyā abhippasanno yakkho rājagahe rathikāya rathikaṁ siṅghāṭakena siṅghāṭakaṁ upasaṅkamitvā tāyaṁ velāyaṁ imaṁ gāthaṁ abhāsi:
“Puññaṁ vata pasavi bahuṁ, Sappañño vatāyaṁ upāsako; Yo cīrāya adāsi cīvaraṁ, Sabbayogehi vippamuttiyā”ti.