Saṁyutta Nikāya 10.4 1. Indakavagga
id: sn10.4 VRI: vol 23 สยามรัฐ: vol 15 17 segments
Saṁyutta Nikāya 10.4 1. Indakavagga Maṇibhaddasutta
Ekaṁ samayaṁ bhagavā magadhesu viharati maṇimālike cetiye maṇibhaddassa yakkhassa bhavane. sya:15.306 Atha kho maṇibhaddo yakkho yena bhagavā tenupasaṅkami; upasaṅkamitvā bhagavato santike imaṁ gāthaṁ abhāsi:
“Satīmato sadā bhaddaṁ, vri:23.241 satimā sukhamedhati; Satīmato suve seyyo, verā ca parimuccatī”ti.
“Satīmato sadā bhaddaṁ, satimā sukhamedhati; Satīmato suve seyyo, verā na parimuccati.
Yassa sabbamahorattaṁ, ahiṁsāya rato mano; Mettaṁso sabbabhūtesu, veraṁ tassa na kenacī”ti.