Saṁyutta Nikāya 11.15 2. Dutiyavagga
id: sn11.15 VRI: vol 23 14 segments
Saṁyutta Nikāya 11.15 2. Dutiyavagga Rāmaṇeyyakasutta
Sāvatthiyaṁ jetavane. vri:23.269 Atha kho sakko devānamindo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho sakko devānamindo bhagavantaṁ etadavoca: “kiṁ nu kho, bhante, bhūmirāmaṇeyyakan”ti?
“Ārāmacetyā vanacetyā, pokkharañño sunimmitā; Manussarāmaṇeyyassa, kalaṁ nāgghanti soḷasiṁ.
Gāme vā yadi vāraññe, Ninne vā yadi vā thale; Yattha arahanto viharanti, Taṁ bhūmirāmaṇeyyakan”ti.