Saṁyutta Nikāya 11.25 3. Tatiyavagga

id: sn11.25 VRI: vol 23 สยามรัฐ: vol 15 27 segments

Saṁyutta Nikāya 11.25 3. Tatiyavagga Akkodhasutta

Evaṁ me sutaṁ— ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. Tatra kho bhagavā bhikkhū …pe… bhagavā etadavoca: “bhūtapubbaṁ, bhikkhave, sakko devānamindo sudhammāyaṁ sabhāyaṁ deve tāvatiṁse anunayamāno tāyaṁ velāyaṁ imaṁ gāthaṁ abhāsi:

‘Mā vo kodho ajjhabhavi, mā ca kujjhittha kujjhataṁ; Akkodho avihiṁsā ca, ariyesu ca paṭipadā; Atha pāpajanaṁ kodho, pabbatovābhimaddatī’”ti. Tatiyo vaggo.

Tassuddānaṁ Chetvā dubbaṇṇiya māyā, vri:23.278 accayena akodhano; Desitaṁ buddhaseṭṭhena, idañhi sakkapañcakanti. Sakkasaṁyuttaṁ samattaṁ. Sagāthāvaggo paṭhamo.

Tassuddānaṁ Devatā devaputto ca, sya:15.353 rājā māro ca bhikkhunī; Brahmā brāhmaṇa vaṅgīso, vanayakkhena vāsavoti. Sagāthāvaggasaṁyuttapāḷi niṭṭhitā.