Saṁyutta Nikāya 14.2 1. Nānattavagga
id: sn14.2 VRI: vol 24 สยามรัฐ: vol 16 17 segments
Saṁyutta Nikāya 14.2 1. Nānattavagga Phassanānattasutta
Sāvatthiyaṁ viharati. “Dhātunānattaṁ, bhikkhave, paṭicca uppajjati phassanānattaṁ. Katamañca, bhikkhave, dhātunānattaṁ? Cakkhudhātu sotadhātu ghānadhātu jivhādhātu kāyadhātu manodhātu— idaṁ vuccati, bhikkhave, dhātunānattaṁ.
Kathañca, bhikkhave, dhātunānattaṁ paṭicca uppajjati phassanānattaṁ? vri:24.126 · sya:16.171 Cakkhudhātuṁ, bhikkhave, paṭicca uppajjati cakkhusamphasso. Sotadhātuṁ paṭicca … ghānadhātuṁ paṭicca … jivhādhātuṁ paṭicca … kāyadhātuṁ paṭicca … manodhātuṁ paṭicca uppajjati manosamphasso. Evaṁ kho, bhikkhave, dhātunānattaṁ paṭicca uppajjati phassanānattan”ti. Dutiyaṁ.