Saṁyutta Nikāya 2.19 2. Anāthapiṇḍikavagga

id: sn2.19 VRI: vol 23 สยามรัฐ: vol 15 13 segments

Saṁyutta Nikāya 2.19 2. Anāthapiṇḍikavagga Uttarasutta

Rājagahanidānaṁ. sya:15.77 Ekamantaṁ ṭhito kho uttaro devaputto bhagavato santike imaṁ gāthaṁ abhāsi:

“Upanīyati jīvitamappamāyu, vri:23.67 Jarūpanītassa na santi tāṇā; Etaṁ bhayaṁ maraṇe pekkhamāno, Puññāni kayirātha sukhāvahānī”ti.

“Upanīyati jīvitamappamāyu, Jarūpanītassa na santi tāṇā; Etaṁ bhayaṁ maraṇe pekkhamāno, Lokāmisaṁ pajahe santipekkho”ti.