Saṁyutta Nikāya 2.28 3. Nānātitthiyavagga
id: sn2.28 12 segments
Saṁyutta Nikāya 2.28 3. Nānātitthiyavagga Nandivisālasutta
Ekamantaṁ ṭhito kho nandivisālo devaputto bhagavantaṁ gāthāya ajjhabhāsi:
“Catucakkaṁ navadvāraṁ, puṇṇaṁ lobhena saṁyutaṁ; Paṅkajātaṁ mahāvīra, kathaṁ yātrā bhavissatī”ti.
“Chetvā naddhiṁ varattañca, icchālobhañca pāpakaṁ; Samūlaṁ taṇhamabbuyha, evaṁ yātrā bhavissatī”ti.